കോഴിക്കോട്: എസ് കെ എസ് എസ് എഫ് സംസ്ഥാന കമ്മിറ്റിയുടെ ആതുരസേവന വിഭാഗമായ സഹചാരി റിലീഫ് സെല്ലിലേക്കുള്ള ഫണ്ട് ശേഖരണം വിജയിപ്പിക്കാൻ സമസ്ത കേരള ജംഇയ്യത്തുൽ ഉലമ ആഹ്വാനം ചെയ്തു. ഒന്നരപ്പതിറ്റാണ്ട് കാലമായി നിരവധി രോഗികൾക്ക് ധനസഹായം നൽകാൻ സഹചാരിയിലൂടെ കഴിഞ്ഞിട്ടുണ്ട്. നിർധന രോഗികളെ സഹായിക്കുന്ന ഈ പദ്ധതിയിലേക്ക് അടുത്ത വെള്ളിയാഴ്ച നടക്കുന്ന ഫണ്ട് ശേഖരണം വിജയിപ്പിക്കാൻ മഹല്ല് ഭാരവാഹികളും ഖാസി, ഖത്വീബുമാരും സംഘടന പ്രവർത്തകരും രംഗത്തിറങ്ങണമെന്ന് പ്രസിഡൻ്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങളും ജനറൽ സെക്രട്ടറി പ്രൊഫ.കെ ആലിക്കുട്ടി മുസ് ലിയാരും അഭ്യർത്ഥിച്ചു.
