മലപ്പുറം:എസ്.കെ.എസ്.എസ്.എഫ് സംസ്ഥാന കമ്മിറ്റിക്കു കീഴിൽ ഇസ്ലാമിക് ഫാമിലി ക്ലസ്റ്റർ വനിതകൾക്കായി സംഘടിപ്പിക്കുന്ന രണ്ടാമത് ജ്ഞാന പരീക്ഷക്കു അപേക്ഷ ക്ഷണിച്ചു. ആത്മാന്വേണത്തിന്റെ റമദാൻ എന്ന ശീർഷകത്തിൽ സംസ്ഥാന കമ്മിറ്റി നടത്തുന്ന റമദാൻ കാംപയിൻ ഭാഗമായാണ് പരീക്ഷ നടത്തുന്നത്. ഇത്തവണ വിശുദ്ധ ഖുർആനിലെ അവസാനത്തെ പത്ത് സൂറത്തുകളുടെ വ്യാഖ്യാന പഠനത്തെ ആസ്പദമാക്കിയാണ് പരീക്ഷ. പ്രായ ഭേദമന്യേ സ്ത്രീകൾക്ക് വിജ്ഞാന പരീക്ഷയിൽ പങ്കെടുക്കാം. പരീക്ഷാർത്ഥികളുടെ രജിസ്ടേഷ ൻ ഈ മാസം 11 വരേ ഓൺലൈൻ ലിങ്ക് വഴി ശാഖാ കമ്മിറ്റികൾ മുഖേന നടക്കും. സിലബസ് ആസ്പദമാക്കിയ ഓൺലൈൻ പഠനക്കുറിപ്പുകൾ നൽകും. കഴിഞ വർഷം സംഘടിച്ച ‘ഷീ സ്കിൽ ‘ ഓൺലൈൻ വിജ്ഞാന പരീക്ഷ പരിപാടിയിൽ ഒരു ലക്ഷത്തിലേറെ പേർ രജിസ്ട്രേഷൻ നേടി. ഇതിൽ അൻപതിനായിരത്തിലധികം പഠിതാക്കൾ സർട്ടിഫിക്കറ്റ് നേടിയിരുന്നു.
കൊവിഡ് ജാഗ്രതയുടെ പശ്ചാത്തലത്തിൽ സംസ്ഥാനത്ത് നിയന്ത്രണം ഏർപ്പെടുത്തിയതിനാൽ ഈ വർഷത്തെ പരീക്ഷാ തിയതി പിന്നീട് നിശ്ചയിക്കും.
