കോഴിക്കോട്: എസ്.കെ.എസ്.എസ്.എഫ് ദേശീയ സമിതി സംഘടിപ്പിക്കുന്ന – ഖുൽ ശനേ മദീന – മീലാദ് കാമ്പയിൻ ഇന്ന് (24.10.20) തുടങ്ങും. വൈകിട്ട് എട്ട് മണിക്ക് ഗൂഗിൾ മീറ്റിൽ മുസ് ലിം ലീഗ് ദേശീയ പ്രസിഡന്റ് പ്രൊഫ. ഖാദർ മൊയ്തീൻ തമിൾ നാട് കാമ്പയിൻ ഉദ്ഘാടനം ചെയ്യും. എസ്.കെ.എസ്.എസ്.എഫ് ദേശീയ സമിതി ചെയർമാൻ മുഫ്തി നൂറുൽ ഹുദാ നൂർ നദ് വി അധ്യക്ഷനാവും. ഹൈദരാബാദ് മൗലാനാ ആസാദ് യൂണിവേഴ്സിറ്റി പ്രൊഫസർ ഡോ. അലീം അഷ്റഫ് ജായിസി മുഖ്യ പ്രഭാഷണം നടത്തും. കാമ്പയിന്റെ ഭാഗമായി പൈഗാ മെ മുസ്തഫ ക്വിസ് മത്സരം, ഇശ്ഖ് മജ് ലിസ്, പ്രഭാഷണ സദസ്സുകൾ തുടങ്ങിയവ വിവിധ സംസ്ഥാനങ്ങളിൽ നടക്കും. ഉദ്ഘാടന സെഷനിൽ സയ്യിദ് ഹമീദലി ശിഹാബ് തങ്ങൾ പാണക്കാട്, ഉമൈർ അഹ്മദ് ആന്ത്ര പ്രദേശ്, മൗലാന ഹസീബ് ഭീവണ്ടി, റഈസ് അഹ്മദ് മണിപ്പുർ, സത്താർ പന്തല്ലൂർ, ഡോ. ജാബിർ ഹുദവി, ഡോ. ബശീർ പനങ്ങാങ്ങര, അസ് ലം ഫൈസി ബാഗ്ലൂർ എന്നിവർ സംസാരിക്കും.
