കോഴിക്കോട്: എസ് കെ എസ് എസ് എഫ് ട്രൈസനേറിയത്തിന്റെ ഭാഗമായി നാളെ (സെപ്തംബര്‍ 29) ആലപ്പുഴയില്‍ നേതൃസംഗമം നടക്കും .സംസ്ഥാന സെക്രട്ടറിയേറ്റ്,ജില്ലാ പ്രസിഡന്റ് സെക്രട്ടറിമാര്‍, ഓര്‍ഗനെറ്റ്, സര്‍ഗലയസംസ്ഥാന,ജില്ല സമിതി അംഗങ്ങള്‍,മേഖല,ശാഖ പ്രതിനിധികള്‍ തുടങ്ങിയവരാണ് പരിപാടിയില്‍ പങ്കെടുക്കുക. രാവിലെ 10 മണി മുതല്‍ വൈകീട്ട് 5 മണി വരെ സി.എച്ച് ഹാളില്‍ നടക്കുന്ന പരിപാടിയില്‍ ഓര്‍ഗാനെറ്റ് അദാലത്ത്, മെമ്പര്‍ഷിപ്പ് കാമ്പയിന്‍,സര്‍ഗലയം മത്സരങ്ങള്‍, ട്രൈസനേറിയം പദ്ധതികള്‍, മീലാദ് കാമ്പയിന്‍ തുടങ്ങിയവയും ആനുകാലിക വിഷയങ്ങളും ചര്‍ച്ച ചെയ്യും. എറണാംകുളം മുതല്‍ തിരുവനന്തപുരം വരെയുള്ള പ്രതിനിധികളാണ് പരിപാടിയില്‍ പങ്കെടുക്കുക. പാണക്കാട് സയ്യിദ് അബ്ബാസലി ശിഹാബ് തങ്ങള്‍, സയ്യിദ് ഹമീദലി ശിഹാബ് തങ്ങള്‍, സമസ്ത കേന്ദ്ര മുശാവറ മെമ്പര്‍ ഐ വി ഉസ്മാന്‍ ഫൈസി, സമസ്ത കേരള ജംഇയ്യത്തുല്‍ ഉലമ ജില്ലാ പ്രസിഡന്റ് സയ്യിദ് ഹദിയത്തുള്ള തങ്ങള്‍ അല്‍ ഹൈദ്രോസി, സത്താര്‍ പന്തലൂര്‍, റശീദ് ഫൈസി വെള്ളായിക്കോട്, ആഷിഖ് കിഴപ്പുറം, ഒ.പി.എം അഷ്‌റഫ്, അബ്ദുസമദ് തൊടുപുഴ, പി.എം ഫൈസല്‍, മവാഹിബ് അമ്പലപ്പുഴ, നിസാം കണ്ടത്തില്‍ തുടങ്ങിയവര്‍ വിവിധ സെഷനുകളില്‍ സംബന്ധിക്കും.
