കോഴിക്കോട്: എസ് കെ എസ് എസ് എഫ് വിഖായയുടെ വാർഷിക സേവനദിനമായ ഒക്ടോബർ രണ്ടിന് സംസ്ഥാനത്തെ 370 സഹചാരി സെന്ററുകളിൽ വിവിധ പരിപാടികൾ നടക്കും. സഹചാരി സെന്റർ വാർഷികാഘോഷം, മെഡിക്കൽ ക്യാമ്പ്, ശുചീകരണ യജ്ഞം, രോഗീ സന്ദർശനം, ആരോഗ്യ സർവ്വേ, പ്രായമുള്ളവരെ ആദരിക്കൽ തുടങ്ങിയ പരിപാടികൾ വിഖായ ദിനത്തിൽ വിവിധ കേന്ദ്രങ്ങളിൽ നടക്കും. സഹചാരി സെന്റർ കമ്മിറ്റികൾ, അതത് പ്രദേശത്തെ എസ് കെ എസ് എസ് എഫ് ഘടകങ്ങൾ, വിഖായ ആക്ടീവ് അംഗങ്ങൾ തുടങ്ങിയവർ ദിനാചരണ പരിപാടികൾക്ക് നേതൃത്വം നൽകും. ഇസ്ലാമിക് സെന്ററിൽ ചേർന്ന വിഖായ സംസ്ഥാന സമിതി യോഗത്തിൽ സെക്രട്ടറിയേറ്റ് അംഗം ജലീൽ ഫൈസി അരിമ്പ്ര അദ്ധ്യക്ഷത വഹിച്ചു.സംസ്ഥാന വർക്കിങ്ങ് സെക്രട്ടറി റഷീദ് ഫൈസി വെള്ളായിക്കോട് ഉദ്ഘാടനം ചെയ്തു. ചെയർമാൻ സലാം ഫറോഖ്, കൺവീനർ സൽമാൻ ഫൈസി തിരൂർക്കാട്, ഷർ ഹബീൽ മഹ്റൂഫ്, മൊയ്തു ചെർക്കള, എസ്.എം.എ. ബഷീർ മംഗലാപുരം, മൻസൂർ പാണമ്പ്ര, ഷിഹാബ് നീലഗിരി സംസാരിച്ചു.
നിസാം ഓമശ്ശേരി സ്വാഗതവും റഷീദ് വെങ്ങപ്പള്ളി നന്ദിയും പറഞ്ഞു.
