കോഴിക്കോട്: എസ് കെ എസ് എസ് എഫ് സംസ്ഥാന കമ്മിറ്റിയുടെ മുഖപത്രമായ സത്യധാര ദ്വൈവാരികയുടെ പ്രചാരണം ആരംഭിച്ചു. പാണക്കാട് നടന്ന ചടങ്ങില്‍ മാനേജിംഗ് ഡയറക്ടര്‍ സയ്യിദ് സ്വാദിഖലി ശിഹാബ് തങ്ങള്‍ , ഇന്‍ഡോ അറബ് കോണ്‍ഫെഡറേഷന്‍ കൗണ്‍സില്‍പ്രസിഡണ്ട് എം വി കുഞ്ഞാമു ഹാജി യില്‍ നിന്ന് വരിസംഖ്യ സ്വീകരിച്ചു ഉദ്ഘാടനം ചെയ്തു. സംസ്ഥാന പ്രസിഡണ്ട് സയ്യിദ് ഹമീദലി ശിഹാബ് തങ്ങള്‍ അധ്യക്ഷതവഹിച്ചു. രണ്ട് പതിറ്റാണ്ട് കാലമായി മലയാളി വായനക്കാര്‍ക്കിടയില്‍ ആദര്‍ശ പ്രചാരണ രംഗത്തും സമകാലിക വിഷയങ്ങളില്‍ നിലപാടുകള്‍ തുറന്നഴുതിയും സത്യധാര നിറസാന്നിധ്യമാണ്. ഇതിനിടയില്‍ കര്‍ണ്ണാടകയില്‍ കന്നഡ ഭാഷയില്‍ മാസികയായും യു എ ഇ, സൗദി, കുവൈത്ത്, ബഹ്‌റൈന്‍, ഒമാന്‍, എന്നിവിടങ്ങളില്‍ ഗള്‍ഫ് സത്യധാര മാസികയായും പ്രസിദ്ധീകരിച്ചു വരുന്നു. ഏതാനും വര്‍ഷങ്ങളായി ഷാര്‍ജ അന്താരാഷ്ട്ര പുസ്തകമേളയില്‍ സത്യധാര സ്റ്റാള്‍ പ്രവര്‍ത്തിച്ചുവരുന്നു. ജില്ലാതലത്തില്‍ പ്രത്യേകം കോര്‍ഡിനേറ്റര്‍മാരുടെ നേതൃത്വത്തില്‍ മികച്ച സമ്മാനപദ്ധതികളുമായാണ് കേരളത്തില്‍ സത്യധാര കാമ്പയിന്‍ നടക്കുന്നത് .ക്യാമ്പയിനോട് കൂടി ഉള്ളടക്കത്തില്‍ പരിഷ്‌കരണം വരുത്തി ഡിസംബര്‍ മാസത്തില്‍ പുതിയ പതിപ്പ് പ്രസിദ്ധീകരിച്ച് തുടങ്ങും. നവംബര്‍ 30 ന് ക്യാമ്പയിൻ സമാപിക്കും. ബഹ്‌റൈന്‍ സമസ്ത കേരള സുന്നി ജമാഅത്ത് സെക്രട്ടറി കുഞ്ഞുമുഹമ്മദ് ഹാജി എറവക്കാട്, എസ് കെ എസ് എസ് എഫ് സംസ്ഥാന ട്രഷറര്‍ ഹബീബ് ഫൈസി കോട്ടോപാടം, സംസ്ഥാന വര്‍ക്കിംഗ് സെക്രട്ടറി റശീദ് ഫൈസി വെള്ളായിക്കോട്, കുഞ്ഞാലന്‍കുട്ടി ഫൈസി നടമ്മല്‍ പോയില്‍,ആഷിഖ് കുഴിപ്പുറം, ശഹീര്‍ അന്‍വരി പുറങ്ങ,് ജലീല്‍ ഫൈസി അരിമ്പ്ര,അന്‍വര്‍ സ്വാദിഖ് ഫൈസി മണ്ണാര്‍ക്കാട് എന്നിവര്‍ സംബന്ധിച്ചു
