കോഴിക്കോട്: ‘അണി ചേരുക നീതികാക്കാന്‍’ എന്ന പ്രമേയവുമായി എസ് കെ എസ് എസ് എഫ് സംസ്ഥാന കമ്മിറ്റി നടത്തുന്ന മെമ്പര്‍ഷിപ്പ് കാമ്പയിന്റെ ഭാഗമായുള്ള മെമ്പര്‍ഷിപ്പ് വിതരണോല്‍ഘാടനം സയ്യിദ് റാജിഹ് അലി ശിഹാബ് തങ്ങള്‍ക്ക് ആദ്യ മെമ്പര്‍ഷിപ്പ്‌നല്‍കി പാണക്കാട് സയ്യിദ്‌ഹൈദരലി ശിഹാബ് തങ്ങള്‍ നിര്‍വ്വഹിച്ചു.
സത്താര്‍ പന്തലൂര്‍, പി എം റഫീഖ് അഹമ്മദ്, വി കെ ഹാറൂണ്‍ റഷീദ്, ഹമീദ് കുന്നമ്മല്‍, ശഹീര്‍ അന്‍വരി പുറങ്ങ്, നൗഷാദ് ചട്ടിപ്പടി, മജീദ് ഫൈസി ഇന്ത്യനൂര്‍, സുലൈമാന്‍ ഫൈസി, മുഹമ്മദലി പുളിക്കല്‍ തുടങ്ങിയവര്‍ പങ്കെടുത്തു.
പൂര്‍ണ്ണമായും ഓണ്‍ലൈന്‍ സംവിധാനത്തിലൂടെയാണ് കാമ്പയിന്‍ പ്രവര്‍ത്തങ്ങള്‍ നടപ്പില്‍ വരുത്തിയത്. സെപ്തംബര്‍ 30 നകം ശാഖ,ക്ലസ്റ്റര്‍ കമ്മിറ്റിയും ഒക്ടോബര്‍ 15 നകം മേഖല കമ്മിറ്റിയും ഒക്ടൊബര്‍ 31 നകം ജില്ലാകമ്മിറ്റിയും നിലവില്‍ വരും. സംസ്ഥാന കൗണ്‍സില്‍ ക്യാമ്പ് നവംബര്‍ 15,16 തിയ്യതികളില്‍ നടക്കും.
