കോട്ടോപാടം:എസ് എസ് എല്‍ സി പ്ലസ് ടു പരീക്ഷയെഴുതുന്ന വിദ്യാര്‍ത്ഥികള്‍ക്കായി എസ് കെ എസ് എസ് എഫ് ട്രെന്റ് സംസ്ഥാന സമിതിക്ക് കീഴില്‍, കോട്ടോപ്പാടം എം ഐ സി വുമണ്‍സ് അക്കാദമിയില്‍ സംഘടിപ്പിച്ച 40 ദിവസത്തെ പരിശീലന പരിപാടിയില്‍ പങ്കെടുത്ത് ഉന്നത വിജയം നേടിയ വിദ്യാര്‍ത്ഥികള്‍ക്കുള്ള അനുമോദന ചടങ്ങ് സംഘടിപ്പിച്ചു.എസ് കെ എസ് എസ് എഫ് സംസ്ഥാന പ്രസിഡന്റ് ബഹു: പാണക്കാട് സയ്യിദ് ഹമീദലി ശിഹാബ് തങ്ങള്‍ ചടങ്ങ് ഉല്‍ഘാടനം ചെയ്തു.കേരള വിദ്യാഭ്യാസ വകുപ്പ് ജോയിന്റ് ഡയറക്ടര്‍ എ അബൂബക്കര്‍,കല്ലടി അബൂബക്കര്‍, എസ് കെ എസ് എസ് എഫ് സംസ്ഥാന വൈസ് പ്രസിഡന്റ് ഹബീബ് ഫൈസി കോട്ടോപ്പാടം, എം പി സ്വാദിഖ് മാസ്റ്റര്‍, ടി കെ ഇബ്രാഹിം ഹാജി, എ കെ കുഞ്ഞയമ്മു, മുസ്തഫ ഫൈസി, എ കെ സ്വഫ് വാന്‍ എന്നിവര്‍ സംബന്ധിച്ചു.
