കോഴിക്കോട് : എസ് കെ എസ് എസ് എഫ് സില്‍വര്‍ ജൂബിലിയുടെ പ്രചരണാര്‍ഥം സയ്യിദ് അബ്ബാസലി ശിഹാബ് തങ്ങള്‍ നയിക്കുന്ന നീതിബോധന യാത്ര 2015 ഫെബ്രുവരി 2 ന് തിരുവനന്തപുരത്ത് നിന്ന് ആരംഭിച്ച് ഫെബ്രുവരി 11 ന് കാസര്‍ഗോഡ് സമാപിക്കും. ജാഥയുടെ വൈസ് ക്യാപ്റ്റനായി ഓണമ്പിള്ളി മുഹമ്മദ് ഫൈസിയേയും ഡയറക്ടറായി സത്താര്‍ പന്തലൂരിനേയും കോ-ഓര്‍ഡിനേറ്ററായി അയ്യൂബ് കൂളുമാടിനേയും തിരഞ്ഞടുത്തു. സംസ്ഥാനത്തെ 50 കേന്ദ്രങ്ങളിലെ സ്വീകരണ കേന്ദ്രങ്ങള്‍ വന്‍ സമ്മേളനമാക്കാന്‍ യോഗം തീരുമാനിച്ചു. ഫെബ്രുവരി 1 ന് വൈകു 3 മണിക്ക് വരക്കല്‍ മഖാമില്‍ വെച്ച് സമസ്ത പ്രസിഡന്റ് കോയക്കുട്ടി മുസ്‌ലിയാര്‍ ജാഥ ക്യാപ്റ്റന് പതാക കൈമാറും. യോഗത്തില്‍ ഇബ്രാഹീം ഫൈസി പേരാല്‍ അധ്യക്ഷത വഹിച്ചു. കണ്‍വീനര്‍ കെ എന്‍ എസ് മൗലവി, ഇസ്മാഈല്‍ ഹാജി, ഷാനവാസ് കണിയാപുരം, പരീത് കുഞ്ഞ് എറണകുളം എന്നിവര്‍ പങ്കെടുത്തു.
