മലപ്പുറം: അഭയം തേടുന്നവര്‍ക്ക് അത്താണിയായി എസ് കെ എസ് എസ് എഫ്സംസ്ഥാന കമ്മിറ്റി ആരംഭിക്കുന്ന വാദിസകന്‍ നാളെ (വെള്ളി) പാണക്കാട് സയ്യിദ് ഹൈദരലി ശിഹാബ് തങ്ങള്‍ അരീക്കോട് തച്ചാംപറമ്പില്‍ ഉദ്ഘാടനം ചെയ്യും. സംഘടനയുടെ മുപ്പതാം വാര്‍ഷിക ഉപഹാരമായി നിര്‍ധന കുടുംബങ്ങള്‍ക്ക് താമസിക്കാനാണ് ഒന്നാം ഘട്ടമായി ആറ് വീടുകള്‍നിര്‍മ്മാണം പൂര്‍ത്തിയായത്. രണ്ടാം ഘട്ടമായി ആറു വീടുകളും റസിഡന്‍ഷ്യല്‍ട്രൈനിംഗ്സെന്റര്‍, കമ്മ്യൂണിറ്റി ഡവലപ്പ്മെന്റ് സെന്റര്‍, മസ്ജിദ് തുടങ്ങിയ പദ്ധതികള്‍ പുരോഗമിക്കുകയാണ്.സംഘടനയുടെ ഗള്‍ഫ് സംഘടനകളുടെയും,ട്രന്റ് പ്രീ സ്‌കൂളിന്റേയും സംയുക്ത സഹകരണത്തോടെയാണ് പദ്ധതികള്‍ നടക്കുന്നത്.വൈകീട്ട് 7 മണിക്ക് വാദിസകന്‍ പരിസരത്ത് നടക്കുന്ന ഉദ്ഘാടന സമ്മേളനത്തില്‍ പ്രസിഡന്റ് പാണക്കാട് സയ്യിദ് ഹമീദ് അലി ശിഹാബ് തങ്ങള്‍ അധ്യക്ഷനാവും.സമസ്ത നേതാക്കള്‍,ജന പ്രതിനിധികള്‍,പൗര പ്രമുഖര്‍ തുടങ്ങിയവര്‍ പരിപാടിയില്‍ സംബന്ധിക്കും
