കോഴിക്കോട്: സഊദി അറേബ്യയിലെ സമസ്ത അനുഭാവികളുടെ കൂട്ടായ്മയായ സമസ്ത ഇസ്ലാമിക് സെന്റർ (എസ് ഐ സി ) പ്രവർത്തകരുടെ കൂട്ടായ്മ സംഘടിപ്പിച്ചു. ഇസ് ലാമിക് സെന്റർ കോൺഫറൻസ് ഹാളിൽ നടന്ന പരിപാടിയിൽ ദമാമിൽ നിന്നും പ്രവാസി ജീവിതം അവസാനിപ്പിച്ചവരും ഗൾഫിലെ നിലവിലെ സംഘടന ഭാരവാഹികളും അടക്കം നിരവധി പേർ പങ്കെടുത്തു. സംഗമം എസ് കെ എസ് എസ് എഫ് സംസ്ഥാന ജനറൽ സെക്രട്ടറി സത്താർ പന്തലൂർ ഉദ്ഘാടനം ചെയ്തു. യൂസുഫ് ഫൈസി വാളാട് അധ്യക്ഷത വഹിച്ചു. ഉമ്മർ ഫൈസി, ഷാജഹാൻ ദാരിമി തിരുവനന്തപുരം, സി എച്ച് മൗലവി കോട്ടക്കൽ, ഫവാസ് ഹുദവി, മാഹിൻ വിഴിഞ്ഞം, ഇബ്രാഹിം ഓമശ്ശേരി, അബൂ ജിർഫാസ്, മിനി അബു ഹാജി, ശരീഫ് റഹ്മാനി, മുസ്തഫ റഹ്മാനി, മജീദ് വാണിയമ്പലം തുടങ്ങിയവർ സംബന്ധിച്ചു.
